NASA
Jet Propulsion Laboratoriyasının veb saytına görə, neyron şəbəkəsi Mars
Reconnaissance Orbiter zondunun fotolarını analiz etdikdən sonra planetin səthində
bir neçə yeni krater aşkarlayıb. Təxminən 8-10 il əvvəl Qırmızı planetdə "yeni"
kraterlər yaranmışdı.
Qaynarinfo
xəbər verir ki, tədqiqatçılar yeni neyron şəbəkəsini təlim etdirmək üçün MRO zondunun
təxminən yeddi min fotoşəklindən istifadə edib. Meteoritlərin və digər kosmik
cisimlərin düşməsi üçün xarakterik olan izlər axtarılıb. Sonra süni zəka arxivdəki
bütün görüntülərlə təmin edilib. Nəticədə, şəbəkə yeni kraterlər haqqında məlumat
verib.
Alimlər
bənzər bir sistemi Marsın orbital zondlarının bort elektronikasına tətbiq etmək
niyyətindədirlər. Georgia Tech astronomu Maykl Munyenin dediyinə görə, onların çəkdikləri
bütün şəkillər yer üzündəki mütəxəssislər tərəfindən təhlil olunur ki, bu da
çox vaxt aparır.
"Ümid
edirik ki, gələcəkdə süni intellekt sistemləri elm adamlarını maraqlandıran
fotoşəkilləri hələ orbitdə olarkən seçəcək", Munye deyib.
Qeyd
edək ki, bundan əvvəl NASA direktoru Cim Braydenstayn "Perseverance” marsoxodunun
qırmızı planetdəki həyat izlərini axtaracağını və yeni texniki həll yollarını
sınayacağını demişdi.
Alpər
