"Neftçi"nin baş məşqçisi Laurentsiu Regekampf "Sivasspor”la oyunu şərh edib.
Qaynarinfo xəbər verir ki, mütəxəssis "Neftçi TV"yə açıqlamasında bunları söyləyib:
"Oyundan razı qaldım, amma nəticə məni qane etmədi. Qol epizodlarını sağa-sola xərclədik. Son həftə bizim üçün ağır oldu. Ağır məşqlər keçdik. Hər oyunda A və B sistemi olur. Oyunçular hər iki sistemə hazır olmalıdır. Bunların hamısını oyunda görə və yoxlaya bilirik. Çünki məşq prosesi zamanı o qədər də oyun stressi, rəqib olmur. Ona görə də bunu yoldaşlıq matçlarında yoxlamağa çalışırıq".
"Neftçi"nin üçüncü yoxlama matçı iyulun 14-nə planlaşdırılsa da rəqib və saat hələ məlum deyil.
Səbuhi Həsənov
