Avropa Liqasının III təsnifat mərhələsinin cavab oyunları keçirilir. Fanat.az xəbər verir ki, Azərbaycan Kubokunun qalibi "Neftçi" səfərdə meydana çıxıb.
"Ağ-qaralar" Tiflisdə "Çixura"nın qonağı olub. Bakıdakı ilk oyunda meydandan qolsuz bərabərliklə ayrılan komandaların ikinci dueli 5 qolla yadda qalıb. Hesabı 16-cı dəqiqədə Ernest Nfor açıb. "Neftçi"nin hücumçusu 27-ci dəqiqədə fərqi 2 topa çatdırıb. 30-cu dəqiqədə Georgi Qabedava fərqi azaldıb. 8 dəqiqə sonra Nfor het-trikini rəsmiləşdərib. 50-ci dəqiqədə isə dubl edən Qabedava matçın yekun nəticəsini müəyyənləşdirib.
Beləliklə 3:2 hesablı qələbə qazanan "Neftçi" Avropa Liqasının play-off mərhələsinə vəsiqə qazanıb. Bu mərhələdə Azərbaycanı daha bir komanda - "Qarabağ" təmsil edəcək. Beləliklə, Avropa Liqasının play-off mərhələsində ilk dəfə ölkəmizi iki komanda təmsil edəcək.
