Dünya bazarında neft bahalaşıb.
APA xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,27 dollar artaraq 47,70 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,26 dollar artaraq 49,06 dollar olub.
ABŞ-da neft ehtiyatlarının 6,7 mln. barelədək azalması neftin bahalaşmasına səbəb olub. Bazar iştirakçılarının fikrincə, neft ehtiyatları bu səviyyədən də aşağı düşəcək.
Qaynarinfo.az
