Bakı Apellyasiya Məhkəməsində “Nida” Vətəndaş Hərəkatı İdarə Heyətinin həbsdə olan üzvü Üzeyir Məmmədlinin apellyasiya şikayətinə baxılıb. Bu barədə APA-ya vəkil Fəxrəddin Mehdiyev məlumat verib.
F.Mehdiyev prosesdə məhkəmə qərarının elan olunduğunu bildirib. Qərara əsasən, apellyasiya şikayəti təmin olunmayıb.
Qeyd edək ki, apellyasiya şikayəti Ü.Məmmədli barəsində seçilmiş həbs-qətimkan tədbiri barədə qərardan verilib. Şikayətdə həmin qərarın ləğv edilməsi və onun azadlığa buraxılması tələb olunub.
Xatırladaq ki, “Nida” Vətəndaş Hərəkatı İdarə Heyətinin üzvü Ü.Məmmədliyə qarşı Cinayət Məcəlləsinin 228.3-cü (qanunsuz olaraq partlayıcı maddələr və qurğular əldə etmə, hazırlama, daşıma və gəzdirmə) maddəsi ilə ittiham irəli sürülüb. Ü.Məmmədli barəsində məhkəmənin qərarı ilə 3 ay müddətinə həbs-qətimkan tədbiri seçilib.
Qaynar.info
