Türkiyə Super Liqa təmsilçisi "Karagümrük"ün özbək futbolçusu Otabek Şükürov Kahramanmaraşda baş verən zəlzələlər səbəbilə Özbəkistandan gələn xilasetmə qrupu ilə birlikdə Hatayda axtarış-xilasetmə işlərinə qatılıb.
Qaynarinfo xəbər verir ki, bu barədə İstanbul komandasının sosial media hesabında paylaşım edilib.
"Futbolçumuz Otabek Şükürov ötən həftə Özbəkistandan köməyə gələn komanda ilə axtarış-xilasetmə işlərinə qatılaraq, vətəndaşlarımız üçün böyük fədakarlıqla çalışıb. Otabek Şükürova və Özbəkistan xalqına bizim yanımızda olduqlarına və dərdimizə şərik olduqlarına görə təşəkkür edirik", deyə açıqlamada qeyd edilir.
