Olimpiadanın bu günkü mübarizəsi bizim üçün gümüş medalla başlayıb.
Qaynarinfo.Az xəbər verir ki, avarçəkmənin kanoe sprint növündə 200 metr məsafəyə yarışan Aleksandr Demyanenko finişə 2-ci çatıb. O cüzi fərqlə uduzub.
Ukraynalı idmançı Yuri Çeban qızıl medal qazanıb. O, finiş xəttini yeni Olimpiya rekordu - 39,279 saniyəyə qət edib. Ondan 0,214 saniyə geri qalan Demyanenko gümüş medalla kifayətlənib. İlk "3-lüy" İsak Keyruş dos Santos (Braziliya) tamamlayıb - 39,628 saniyə.
Qeyd edək ki, Azərbaycanın bunadək 7 medalı (3 gümüş, 4 bürünc) vardı.
Qaynarinfo.Az
