"OpenAI" ilə fikir ayrılıqlarına görə "Microsoft" "ChatGPT"ə girişi itirə bilər

Qaynarinfo "The New York Times"-a istinadən yazır ki, lakin "Microsoft" əlavə maliyyə ayırmaqdan imtina edib.

İlkin imtinaya baxmayaraq, bir neçə aylıq danışıqlardan sonra şirkətlər hesablama gücündən istifadə xərclərini azaltmaq və onu digər təchizatçılardan almaq barədə razılığa gəliblər. Nəticədə "OpenAI" "Oracle" ilə müqavilə imzalayıb.

"Microsoft"la müqaviləsinin şərtlərini yenidən müzakirə etməklə yanaşı, "OpenAI" yeni investorları da cəlb etməyə çalışıb. Oktyabr ayında şirkət "Thrive Capital"ın rəhbərlik etdiyi 6,6 milyard dollarlıq maliyyələşdirmə dövrünü tamamladı və bu raundda "Nvidia", MGX və digər investorlar da var.

Qeyd olunur ki, "Microsoft" "OpenAI" texnologiyalarından artan asılılığından narahat olmağa başlayıb. Bəzi işçilər hesab edirlər ki, startap korporasiyanın istədiyi kimi yeni texnologiyalar təqdim etmir. Asılılığı azaltmaq üçün "Microsoft" digər AI layihələrinə investisiya qoymağa başlayıb. 2024-cü ilin mart ayında şirkət "Inflection" startapının texnologiyası və komandası üçün 650 milyon dollar ödəyib. "Inflection" şirkətinin həmtəsisçisi və rəhbəri Mustafa Süleyman "Microsoft"un süni intellekt bölməsinə rəhbərlik edib və "OpenAI" məhsullarını əvəz edə biləcək texnologiyalar yaradır.

Bu addımlar "OpenAI" işçilərini və rəhbərliyi, o cümlədən baş direktor Sem Altmanı qəzəbləndirib. 

Mütəxəssislər hesab edirlər ki, tərəfdaşlar kompromis əldə edə bilməsələr, "OpenAI" "Microsoft" ilə müqaviləni ləğv etmək üçün müqavilədəki boşluqdan istifadə edə bilər. Söhbət müqavilədəki, startap intellektual tapşırıqları yerinə yetirməkdə insanlardan üstün olan süni intellekt (AGI) yaradarsa, "Microsoft"un "OpenAI" texnologiyalarına girişi itirə biləcəyi bəndindən gedir.