ABŞ İŞİD terror qruplaşmasının lideri Əbu Bəkr əl-Bağdadinin sağ olub-olmamasını hələ dəqiqləşdirə bilmədiyini bəyan edib.
"Qaynarinfo" xəbər verir ki, Pentaqon rəhbəri Ceyms Mettis bu barədə danışıb.
Onun sözlərinə görə, İŞİD terror qruplaşmasının lideri Əbu Bəkr əl-Bağdadi çox güman sağdır: "Düşünürəm ki, o sağdır, onu öldürdüyümüzü bildiyim zaman başqa cür düşünəcəyəm. Amma, hələlik biz onu axtarırıq. Güman edirəm ki, o sağdır".
Qeyd edək ki, Rusiyanın Müdafiə Nazirliyi iyunun 16-da Əl-Bağdadinin çox güman ki, öldürüldüyünü bəyan edib. Lakin idarədən bildirilib ki, bu məlumatlar müxtəlif kanallar vasitəsilə hələ yoxlanılır.
Qaynarinfo.Az
