Futbol üzrə Azərbaycan Premyer Liqasında XXXI turun daha bir oyunu keçirilib.
Qaynarinfo xəbər verir ki, günün ilk matçında "Sabah" səfərdə "Turan Tovuz"la üz-üzə gəlib.
Tovuz şəhər stadionundakı qarşılaşma qonaqların 2:0 hesablı qələbəsi ilə bitib. Paytaxt təmsilçisinin qollarını 28 və 66-cı dəqiqələrdə Aleksey Kaşuk vurub.
Bu nəticədən sonra "Sabah" xallarının sayını 71-ə çatdırıb. İkinci pillədə qərarlaşan komanda lider "Qarabağ"la xal fərqini 7-yə endirib. Tovuz klubu isə 29 xalla 6-cı sıradadır.
Qeyd edək ki, günün digər görüşündə "Səbail" "Neftçi"ni qəbul edəcək. XXXI turun əvvəlki oyunlarında "Şamaxı" evdə "Kəpəz"lə 1:1, "Qarabağ" isə "Zirə" ilə 2:2 hesablı heç-heçə edib. Tura aprelin 23-də keçiriləcək "Sumqayıt" - "Qəbələ" görüşü ilə yekun vurulacaq.
