Bu gün Azərbaycan Premyer Liqasında VI tura start veriləcək.
Qaynarinfo xəbər verir ki, ilk oyun günündə bir qarşılaşma keçiriləcək. "Zirə" doğma arenada "Sumqayıt"ı qəbul edəcək. Bu, komandaların Premyer Liqada 24-cü dueli olacaq. Buna qədər keçirilən 23 matçın 10-da meydan sahibləri, 6-da isə qonaqlar qələbəyə sevinib. Top fərqi "Zirə"ni xeyrinədir - 29:21.
"Qartallar" çempionatda rəqibinə qarşı keçirdiyi son 6 oyunda qələbə qazanmayıb. Son 3 görüş isə heç-heçə ilə nəticələnib.
Azərbaycan Premyer Liqası, VI tur
1 oktyabr
19:30. "Zirə” – "Sumqayıt”
Zirə İdman Kompleksinin stadionu
Turun iki oyunu sabah baş. tutacaq. "Keşlə" "Sabah"ı, "Səbail" "Neftçi"ni qəbul edəcək. Premyer Liqanın altıncı turuna oktyabrın 3-dəki "Qarabağ” – "Qəbələ” matçı ilə yekun vurulacaq.
"Qəbələ" - 11, "Qarabağ" - 11, "Neftçi" - 10, "Zirə" - 8, "Sumqayıt" - 7, "Səbail" - 6, "Sabah" - 1, "Keşlə" - 1
Səbuhi Həsənov
