“Kanal 13” vasitəsiylə yayımlanan “Topçu” verilişinin növbəti sayı izləyicilərin ixtiyarına verilib. "Qaynar" xəbər verir ki, Nihat Ağasoyun budəfəki qonağı təcrübəli idman yazarı - “Futbol+” qəzetinin redaktoru Kənan Həsənov olub.
Verilişdə Nizami Hacıyev – Robert Prosineçki düyünü, millidəki ab-hava, xorvat çalışdırıcının qıcıq doğuran davranışları müzakirə edilib. Turun oyunları fonunda mövsümdə 3-cü dəfə “İnter”i yenə bilməyən “Qarabağ”ın problemlərindən, “Qəbələ”nin bir qədər də hamarlaşan çempionluq yolundan danışılıb.
