Fransalı jurnalist Roman Kanuti UEFA Avropa Liqasında oynanılacaq Qalatasaray - Marsel matçı öncəsi "Sarı-qırmızı"ların simvolu olan aslanla poza verərək, "Aslanı əhliləşdirdim" paylaşımı edib.
Qaynarinfo xəbər verir ki, qarşılaşmadan əvvəl fransız jurnalistin yol verdiyi bu hərəkət böyük əks-səda doğurub. "Qalatasaray" camiəsi qalmaqallı hərəkətə sərt şəkildə reaksiya verib.
Reaksiyadan sonra fransalı jurnalist üzr istəmək məcburiyyətində qalıb. Kanuti sosial media hesabından türkcə paylaşım edərək bu sözləri yazıb:
"Dünən axşam mətbuat konfransından əvvəl zarafat olduğunu düşündüyüm hərəkətdən sonra təəssüflə həddimi aşdığımı anladım. İncitdiyim və üzdüyüm üçün bütün "Qalatasaray" azarkeşlərindən üzr istəyirəm".
Səbuhi Həsənov
