Antalyada təlim-məşq toplanışında olan “Qarabağ” bu gün sonuncu məşqinə çıxıb.
Qaynar.info klubun saytına istinadən xəbər verir ki, hava şəraitinin yağmurlu olmasına baxmayaraq, komandanın axşam məşqi baş tutub. İsinmə hərəkətlərinin ardından 3 qrupda kvadrat oynayan futbolçular ardınca məşqçilərin verdiyi başqa fiziki məşğələləri yerinə yetiriblər.
Qeyd edək ki, “Qarabağ” sabah sonuncu yoxlama oyununda Ruminiya təmsilçisi "Tarqu Mureş"lə qarşılaşacaq . Oyun Bakı vaxtı ilə saat 19.30-da başlayacaq və "Qarabağ"ın rəsmi "Youtube" kanalı vasitəsi ilə canlı yayımlanacaq.
