Qaxa güclü dolu və leysan yağdı - Elektrik enerjisi kəsildi

"Qafqazinfo”nun məlumatına görə, Qax şəhər ərazisinə təqribən 5 dəqiqə davam edən dolu düşüb.

Güclü külək və yağış nəticəsində şəhərin Heydər Əliyev prospektində 2 ədəd ağac aşıb. Şəhərdən keçən kanalın daşması nəticəsində su avtomobil yoluna dolub.

Əraziyə elektrik enerjisinin verilişi dayandırılıb.

Hazırda güclü leysan yağışı davam edir.