Mövsümün ikinci yarısının hazırlığını davam etdirən "Qəbələ” qış fasiləsində ikinci transferini gerçəkləşdirib.
Qaynarinfo klubun rəsmi saytına istinadən xəbər verir ki, "Qırmızı-qaralar” Azərbaycanın U-21 yığmasının futbolçusu Samet Karakoçu heyətinə qatıb. 20 yaşlı müdafiəçi ilə 2022/23 mövsümünün sonuna qədər nəzərdə tutulan müqavilə imzalanıb.
Son klubu "Bayrampaşa” olan Karakoç 2020-ci ilin yayında əsas komandaya cəlb olunub. O, sol cinah müdafiəçisi olsa da, arxa xəttin mərkəzində də çıxış edir. Karakoç Azərbaycanın U-19 və U-21 yığmalarının formasını geyinib.
"Qəbələ” Sametə qədər Patrik Robson de Souza Monteyronu heyətinə qatıb.
Səbuhi Həsənov
