Noyabrın 14-də Bakı Olimpiya Stadionunda keçiriləcək Azərbaycan – Qətər beynəlxalq yoldaşlıq oyununu idarə edəcək hakimlər müəyyənləşib.
Qaynarinfo UEFA-nın rəsmi saytına istinadən xəbər verir ki, qarşılaşmanı Litvadan olan hakimlər briqadası idarə edəcək. Matçın baş hakimi Donatas Rumşasa Aleksandr Radius, Dovidas Sujiedelis kömək edəcək. Qarşılaşmanın 4-cü hakimi azərbaycanlı Elçin Məsiyev olacaq.
Görüş Bakı vaxtı ilə saat 21:00-da başlayacaq və "CBC Sport” televiziya kanalı vasitəsilə canlı yayımlanacaq.
Səbuhi Həsənov
