17 yaşadək futbolçular ibarət yığmalar arasında Bakıda keçirilən Avropa çempionatının və Azərbaycan Premyer Liqasının yayım hüququna malik olan "CBC Sport" telekanalı proqramında dəyişiklik edib.
Qaynarinfo.az xəbər verir ki, dünən saat 15:30-da yayınlanmalı olan Hollandiya - İspaniya, 19:00-dakı Fransa - Danimarka görüşləri canlı göstərilməyib.
Belə ki, ilk oyun saat 16:00-da Bakıda keçirilən Cüdo üzrə "Böyük Dəbilqə" turnirinin açılış mərasiminə görə canlı yayımdan çıxarılıb. 19:00-dakı oyun isə cüdo turnirinin final görüşlərinə görə göstərilməyib. Avropa çempionatının hər 2 matçı sonradan videoyazı şəklində tamaşaçılara təqdim olunub.
Eləcə də bugünkü "Zirə" - "Qəbələ" görüşünün saat 15:00-da yayımı nəzərdə tutulsa da, matç efirə verilməyib. Oyunun yayımdan çıxarılmasının səbəbi kimi cüdo turnirini göstərmək olar.
Qeyd edək ki, "CBC Sport" SOCAR-ın prezidenti, millət vəkili Rövnəq Abdullayevin kurasiyasında olan telekanal sayılır. Eyni zamanda Rövnəq Abdullayev AFFA və Azərbaycan Cüdo Federasiyasının prezidentidir.
Qaynarinfo.az
