"Facebook" şirkətinin səhmləri "NASDAQ" birjasındakı satışlarda ilk dəfə olaraq 2012-ci ilin mayında yerləşdirilmiş "İlkin İctimai Təklif" (İnitial Public Offer - İPO) qiymətindən artıq olub."Associated Press"in verdiyi xəbərə görə, şirkət öz qiymətli kağızlarını birjaya bir səhmə görə 38 dollara yerləşdirmişdi, lakin "İlkin İctimai Təklif"dən sonra bir neçə ay ərzində onların dəyəri 50% aşağı düşmüşdü.
Ötən gün isə "NASDAQ" birjasında satışın açılışında "Facebook" şirkətinin səhmlərinin dəyəri 1,2% artaraq, bir səhmə görə 38,08 dollara çatıb. Şirkətin gəliri isə ötən ilki eyni dövrlə müqayisədə 53% artaraq, 1,813 milyard dollara çatıb.(anspress)
