“Fənərbağça”nın hücumçusu Joze Fernando Viana di Santananın Rio-de-Janeyrodakı evi soyulub.
Qaynarinfo.Az xəbər verir ki, qısaca Fernandan kimi tanınan braziliyalı futbolçunun evindən 3 televizor, 92 cüt idman ayaqqabısı, kompüter və digər əşyalar oğurlanıb. Cinayətkarlar Fernandanın qarajdakı maşınını da aparıblar. Xoşagəlməz hadisə bazar ertəsi baş verib. Oğrular evə pəncərələri qıraraq daxil olublar. Futbolçunun ailəsi Türkiyədə olduğundan, heç kimə sağlamlıqla bağlı zərər dəyməyib.
Qeyd edək ki, Fernandan 2014-cü ildən etibarən İstanbulda yaşayır.
Qaynarinfo.Az
