“Mənə yığmanın baş məşqçisi olmaq təklifi gəlməyib. İndiki işimdən razıyam və bütün diqqətimi “Qarabağ”a yönəltmişəm”.
Sport7.Az xəbər verir ki, bu sözləri “Qarabağ” – “Qəbələ” oyunundan sonra keçirilən mətbuat konfransında ağdamlıların baş məşqçisi Qurban Qurbanov deyib.
Yığmanın baş məşqçi postuna real namizədlərdən sayılan “köhlən atlar”ın çalışdırıcısı əlavə edib: “Təklif olsa, mövzuya yenidən qayıda bilərik. Düzü, namizədlərdən biri sayılmaq, adımın yığmayla yanaşı çəkilməsi xoşdu. Axı söhbət millimizdən gedir”.
Qaynar.info
