Bu gün Avropa Liqasında I təsnifat mərhələsinin cavab görüşləri keçirilir. Qaynarinfo.az xəbər verir ki, “Neftçi” doğma meydanda “Baltsan”la qarşılaşıb.
İlk oyunda 2:0 hesablı qələbə qazanan "Neftçi" növbəti mərhələyə vəsiqəni demək olar ki, həll etmişdi. Amma hər kəs "ağ-qaralar"dan Baltsan şəhərinin gənclərdən ibarət komandası ilə oyunda qələbə gözləyirdi. Lakin "Neftçi" bunun öhdəsindən gələ bilməyib.
Hesabı 20-ci dəqiqədə Jayro Rodriges açıb. "Baltsan" buna 51-ci dəqiqədə Lidon Misallefin qolu ilə cavab verib. 57-ci dəqiqədə Paul Feneş penaltidən yararlana bilməyib. Buna baxmayaraq, maltalılar qələbə qolunu vura bilib. 67-ci dəqiqədə dubl edən Misallef komandasına 2:1 hesablı qələbə qazandırıb.
