Bu gün Topaz Premyer Liqasında V tura start verilib. Qaynarinfo.Az xəbər verir ki, ilk oyun günündə iki qarşılaşma baş tutub.
Açılış oyununda “Kəpəz” "Sumqayıt"ın qonağı olub. İlk 4 turda sadəcə bir qələbə qazanan gəncəlilər turnir cədvəlində özündən bir pillə aşağıda yerləşmiş “kimyaçılar”la oyundan da bir xalla ayırılıb. 69 dəqiqəsi qolsuz davam edən oyun 1:1 hesabı ilə yekunlaşıb.
Günün ikinci oyununda isə son günlər tarixinin ən pis dönəmlərindən birini keçirən “Neftçi” “İnter”in qonağı olub. Mövsümə yaxşı başlayan və 4 oyundan sonra uduzmayan “bankirlər” məğlubiyyətsiz oyunlar seriyasını davam etdirib. Ötən tur “Qəbələ”dən 8 cavabsız qol buraxan “ağ-qaralar” isə yeni baş məşqçi Elxan Abdullayevin debüt oyununda məğlubiyyət acısı yaşayıb. Hesabı 67-ci dəqiqədə penaltidən Araz Abdullayev açıb. Amma 87-90+2-ci dəqiqələrdə dubl edən "Neftçi"nin sabiq üzvü Rauf Əliyev "İnter"ə qələbə qazandırıb - 2:1.
Qeyd edək ki, tura sabah keçiriləcək iki oyunla yekun vurulacaq.
Premyer Liqa
V tur
18 sentyabr
Sumqayıt - Kəpəz 1:1
Qollar: Vaqif Cavadov, 69 -Kərim Diniyev, 73.
İnter - Neftçi 2:1
Qollar: Rauf Əliyev, 87; 90+2 - Araz Abdullayev, 67-pen.
№ | Klub | O | Q | H/H | M | T/F | X |
1 | İnter | 5 | 3 | 2 | 0 | 8:5 | 11 |
2 | Qarabağ | 4 | 3 | 0 | 1 | 12:2 | 9 |
3 | Qəbələ | 3 | 2 | 1 | 0 | 10:0 | 7 |
4 | Kəpəz | 5 | 1 | 3 | 1 | 5:5 | 6 |
5 | Zirə | 4 | 2 | 0 | 2 | 4:4 | 6 |
6 | Sumqayıt | 4 | 1 | 1 | 2 | 3:5 | 4 |
7 | Neftçi | 5 | 1 | 0 | 4 | 3:14 | 3 |
8 | AZAL | 4 | 0 | 1 | 3 | 1:11 | 1 |
Bombardirlər | Baqali Dabo (Qəbələ) - 4. Ruslan Abışov (İnter), Reynaldo Silva (Qarabağ), Vaqif Cavadov (Sumqayıt) - 3. |
Qaynarinfo.Az
