"Qalatasaray" futbol klubu italiyalı mütəxəsssis Roberto Mançini ilə razılığa gəldiyini rəsmən açıqlayıb.
Trend-in Türkiyə mətbuatına istinadən verdiyi məlumata görə, R.Mançini növbəti 3 il ərzində "sarı-qırmızılılar"ın baş məşqçisi olacaq.
İtaliyalı mütəxəssisin 6 köməkçisi olacaq. Onlardan birinin "Qalatatasaray"ın əfsanəvi futbolçusu Tuqay Kərimoğlu olduğu bildirilir. Bununla bağlı T.Kərimoğluya rəsmi təklif göndərilib.
Rəsmi olaraq təsdiqlənməsə də, R.Mançini ilə müqavilənin dəyərinin 4,5 milyon avro olduğu qeyd edilir.
