Ölkə kubokunun 1/4 final mərhələsində “Sumqayıt”la oyundan sonra “Qarabağ” istirahətə buraxılıb.
Qaynarinfo.Az xəbər verir ki, komanda Premyer Liqanın III dövrəsinin hazırlıqlarına Antalyada start verəcək. Yanvarın 5-də səfərə yollanacaq “Qarabağ” ənənəvi olaraq “IC Santai” otelində məskunlaşacaq.
“Qarabağ” bu müddətdə 4 yoxlama oyunu keçirməyi planlaşdırıb. Bunların arasında 1986-cı ildə Avropa Kubokunun (indiki Çempionlar Liqası - red.) və Avropa Super Kubokunun (indiki UEFA Super Kuboku - red.) qalibi olmuş Buxarestin "Styaua" komandası da var.
“Qarabağ”ın yoxlama oyunlarının proqramı belədir:
15 yanvar
19:30 “Qarabağ” – “Aşqabad” (Türkmənistan)
18 yanvar
19:30 “Qarabağ” – “Styaua” (Rumıniya)
22 yanvar
17:30 “Qarabağ” – “Atırau” (Qazaxıstan)
19:30 “Qarabağ” – “Termalitsa” (Polşa)
Qeyd edək ki, oyun saatları Azərbaycan vaxtı ilə yazılıb.
Qaynarinfo.Az
