Dünən Avropada bir neçə yoldaşlıq oyunları keçirilib.
Qaynar.info xəbər verir ki, Bosniya və Herseqovina millisi səfərdə Lüksemburqu 3:0 hesabı ilə məğlub edib. "Qarabağ"ın bosniyalı qapıçısı İbraxim Şexiç bu oyunun fasiləsində "Çelsi"nin 2-ci qolkiperi Asmir Beqoviçi əvəzləyərək meydana daxil olub və qapısından top buraxmayıb. Bosniya və Herseqovina millisi növbəti oyununu martın 29-da Sürixdə Avropa çempionatının iştirakçısı İsveçrə ilə keçirəcək.
Qeyd edək ki, martın 24-də Estoniya millisi Tallində Norveçlə qolsuz heç-heçə etmişdi. Bu matçda "Qəbələ"nin futbolçusu Sergey Zenyov 90 dəqiqə mərkəz hücumçusu kimi çıxış etsə də, qol vura bilməmişdi.
Qaynar.info
