“Zirə” transfer pəncərəsinin son günü heyətini daha bir futbolçu ilə gücləndirib.
Qaynar.info xəbər verir ki, Salvador yığmasının hücumçusu Nelson Bonilya ilə 2 illik müqavilə imzalanıb. 24 yaşlı Bonilya karyerasına ölkəsində “Alyansa” klubunda başlayıb. Ötən il Rumıniyanın “Viitorul” klubuna transfer olunan Nelson 25 oyunda 7 qola imza atıb. Hücumçu Salvador yığmasında da eyni sayda qolun müəllifidir. O, yığma komanda ilə 2013-cü ildə Kosta-Rikada keçirilən Mərkəzi Amerika Oyunlarının bürünc medalını qazanıb.
Qeyd edək ki, onun transferini ilk olaraq Qaynar.info 3 gün əvvəl oxucularına çatdırıb (http://qaynar.info/news-salvador-ymasnn-hucumcusu-azrbaycan-klubunda-t56990.html).
Qaynar.info
