"Qəbələ" Avropa Liqasının I təsnifat mərhələsinin cavab oyununa çıxıb. Fanat.az xəbər verir ki, Premyer Liqanın bürünc mükafatçısı "Şiroki Briyeq"in qonağı olub.
Ev oyununda 0:2 hesabı ilə yenilən "Qəbələ"nin mərhələ adlamaq şansı az olsa da, komanda Bosniya və Hersoqovina səfərinə ümidli çıxmışdı. Amma "Şiroki Briyeq" sürprizə imkan verməyərək, 3:0 hesablı qələbə qazanıb. Hesabı 17-ci dəqiqədə Qoran Zakariç açıb. 12 dəqiqə sonra Mirko Mariç fərqlənib. 56-cı dəqiqədə dublunu rəsmiləşdirən Mariç matçın yekun hesabını müəyyənləşdirib. İki oyunun nəticəsində 0:5 hesabı ilə yenilən "Qəbələ"nin ilk avrokubok macərası uğursuz bitib.
Avropa Liqası
I təsnifat mərhələsi
Cavab oyunu
10 iyul
Şiroki Briyeq (Bosniya və Herseqovina) - Qəbələ (Azərbaycan) 3:0
Qollar: Qoran Zakariç, 17. Mirko Mariç, 29; 56.
Qaynar.ıinfo
