Avqustun 25-i axşam İsveçrədən Bakıya gələn "Qarabağ"ın Avroliqanın pley-off mərhələsindəki rəqibi "Yanq Boyz" klubu dünən oyunun keçiriləcəyi Tofiq Bəhramov adına Respublika stadionunda məşq edib. Qaynar.info xəbər verir ki, bu məşqi "Yanq Boyz" klubunun internet televiziya kanalı da lentə alıb.
Məşqdən əvvəl isə serbiyalı mərkəz müdafiəçisi Milan Vilotiç və isveçrəli yarımmüdafiəçi Rafael Nutsolonun fikirləri öyrənilib. Onlar "Qarabağ" haqqında və yağışdan sonra qazonu pis vəziyyətə düşmüş stadion haqda fikirlərini bildiriblər.
Qeyd edək ki, "Qarabağ" - "Yanq Boyz" oyunu bu gün saat 21:00-da başlayacaq.
