“Qarabağ” klubu iki futbolçunun transferini rəsmiləşdirib.
Axar.az xəbər verir ki, Ağdam təmsilçisi keçmiş bankir Cahangir Hacıyevin istefasından sonra ağır vəziyyətə düşən “İnter”dən milli komandamızın üzvləri Coşqun Diniyev və Elvin Məmmədovla müqavilə imzalayıb.
C.Diniyev iki illik sözləşməyə qol çəkib. E.Məmmədovun müqavilə müddəti isə hələlik açıqlanmayb.
Qol.az saytının müxbiri ilə söhbətində C.Diniyevin atası Şahin Diniyev oğlunun “Qarabağ”a keçməsi xəbərini təsdiqləyib.
Qeyd edək ki, 27 yaşlı E.Məmmədov 2009/2011-ci illərdə “Qarabağ”ın şərəfini qoruyub.
Qaynar.info
