"Bu qələbə həm idman karyeramda, həm də həyatımda böyük rol oynayır. İlk Avropa Oyunlarında qazandığım bu medalı həyatda heç nə əvəz edə bilməz”.
Bu sözləri anspress-ə açıqlamasında I Avropa Oyunlarını qızıl medalla başa vurmuş Azərbaycan karateçisi Rafael Ağayev deyib: “Bu və digər qazandığım medallar mənim bir parçamdır. Ac qalaram, amma onları satmaram. Bu turnirdə ən çətin görüşü finalda İtaliya təmsilçisi Luici Busa ilə keçirdim. Baxmayaraq ki, öz vətənimdə yarışırdım, amma çox çətin görüş oldu. Finala layiq idi. Qələbəmi anama və məni sevənlərə həsr edirəm”.
Avropa Oyunlarının qızıl medalçısının sözlərinə görə, artıq yetəri qədər məşhurlaşıb və onu dəstəkləyən hər kəsə təşəkkür edib.
"Diqqət mərkəzində olmaq çox yaxşı hissdir. Uğurumun bir parçası siz oldunuz. Qızıl medaldan sonra hamı məni görən kimi şəkil çəkdirir".
Qaynar.info
