Həbsdəki NİDA üzvü Rəşad Həsənovun bu gün məhkəməsi olub. Bu barədə Elitar.Az saytına NİDA Vətəndaş Hərəkatının İdarə Heyəti üzvü Turqut Qəmbər məlumat verib: “Rəşad Həsənovun vəsatəti təmin olunmadı”.
Məhkəmə saat 15:00-da Bakı Apellyasiya Məhkəməsində baş tutub. Şikayət Rəşad Həsənovun həbs müddətinin uzadılmasından verilmişdi.
Qeyd edək ki, “Nida” Vətəndaş Hərəkatının 7 üzvü – Məmməd Əzizov, Bəxtiyar Quliyev, Şahin Novruzlu, Rəşadət Axundov, Üzeyir Məmmədli, Zaur Qurbanlı, Rəşad Həsənov həbs olunub. Beynəlxalq “Amnesty İnternational” təşkilatı gəncləri vicdan məhbusu elan edib.
