"Mançester Yunayted"in superulduzu Kristiano Ronaldonun gəliri açıqlanıb.
Qaynarinfo xəbər verir ki, futboldan əlavə müxtəlif reklamlara çəkilən, sponsorluq müqvilələri imzalayan 36 yaşlı portuqaliyalının indiyə qədər gəlirinin 1 milyard dolları keçdiyi bildirilib. 2003-cü ildə "Sportinq"dən "Mançester Yunayted"ə transfer olunan, daha sonra "Real", "Yuventus" kimi dünya nəhənglərində çıxış edən Ronaldonun qazancının məhz 2020-ci ildə İtaliya klubunda oynadığı dönəmdə 1 milyard dolları ötdüyü açıqlanıb.
Tarixin ən zəngin idmançılarından hesab olunan portuqaliyalı 2021-ci ildə "Yuventus"dan sabiq komandası "Mançester Yunayted"ə keçmişdi.
Hazırda onun İngiltərə klubunda həftəlik 480 min avro qazandığı ifadə edilib.
Səbuhi Həsənov
