Rusiyanın Federal Penitensiar Xidmətinə (FPX) Ukraynanın genişmiqyaslı müharibənin başlamasından sonra ilhaq edilmiş bölgələrində 24 həbsxana yaratmaq tapşırılıb.
Qaynarinfo xəbər verir ki, bu barədə Meduza Rusiya hökumətinin sərəncamına diqqət çəkən "Parlament qəzeti”nə istinadən
yazır.
Qondarma "DXR”də 12, "LXR”də 7, Xerson vilayətinin ilhaq edilmiş hissəsində 3, Zaporojye vilayətinin ilhaq edilmiş hissəsində 1 (və 1 məntəqə tipli cəzaçəkmə müəssisəsi) yaradılması planlaşdırılır.
Bundan əlavə, Rusiya Federasiyası hökumətinin planına əsasən, orada üç tibb islah müəssisəsi və üç islah mərkəzi yaradılacaq.
Nəşr qeyd edir ki, Federal Penitensiar Xidmətin məlumatına görə, 2022-ci ilin noyabrına olan məlumata görə, Rusiyada ümumilikdə 626 islah koloniyası fəaliyyət göstərir, yəni hər bölgəyə orta hesabla təxminən yeddi koloniya düşür.
Nizami Bağırov
Şərhlər