Bakı və Abşeron yarımadasında avqustun 15-də dəyişkən buludlu, yağmursuz hava şəraiti müşahidə olunacaq.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan APA-ya verilən məlumata görə, temperatur gündüz 31-36, gecə 20-24 dərəcə isti olacaq.
Azərbaycanın rayonlarında avqustun 15-də əsasən yağmursuz hava şəraiti proqnozlaşdırılır. Şərq küləyi əsəcək.
Temperatur gecə 19-24, gündüz 33-38 dərəcə isti olacaq. Dağlarda gecə 10-15, gündüz 22-27 dərəcə isti gözlənilir.
