Sentyabrın 29-da Bakı və Abşeron yarımadasında buludlu hava şəraitinin üstünlük təşkil edəcəyi gözlənilir.
Bəzi yerlərdə qısa müddətli yağış yağacağı ehtimalı var.
Güclü şimal-qərb küləyi günün ikinci yarısı mülayimləşəcək.
Ekologiya və Təbii Sərvətlər Nazirliyi Milli Hidrometeorologiya Departamentindən verilən məlumata görə, havanın temperaturu gecə 15-17, gündüz 17-21 dərəcə isti olacaq.
Azərbaycanın rayonlarında sentyabrın 29-da bəzi yerlərdə şimşək çaxacağı, arabir yağış yağacağı gözlənilir. Mülayim qərb küləyi əsəcək. Havanın temperaturu gecə 12-17, gündüz 20-25 dərəcə, dağlarda gecə 5-10, gündüz 14-19 dərəcə isti təşkil edəcək.
