“Şahin Sultanova qarşı qərəzli istintaq aparılır.
Yaxın iki gün ərzində bununla bağlı müvəkkilimin geniş açıqlamasını mətbuata təqdim edəcəyik”. Bu fikirləri AzNews.az-a açıqlamasında hazırda həbsdə olan Hərbi Dəniz Qüvvələrinin sabiq komandanı, vitse-admiral Şahin Sultanovun vəkili Adəm Məmmədov deyib.
O iddia edir ki, istintaqın qərəzli aparılmasında hazırki müdafiə naziri Zakir Həsənovla, hərbi prokuror Xanlar Vəliyevin marağı var: “Şahin Sultanova qarşı istintaqın qeyri-obyektiv aparılmasında bu iki şəxs dayanır. Amma daha çox Xanlar Vəliyevin adını çəkə bilərəm. Tezliklə faktlarla Xanlar Vəliyevin və Zakir Həsənovun Şahin Sultanova qarşı qərəzinin səbəbləri ortaya qoyulacaq”.
Qaynar.info
