Mərhum bəstəkarla vida məraismi Mahnı Teatrında olacaq
Xalq artisti, bəstəkar Şəfiqə Axundova sabah Fəxri Xiyabanda dəfn ediləcək. Bu barədə məlumatı ANS PRESS-ə mərhum bəstəkarın bacısı Rəfiqə Axundovanın gəlini verib. Məlumata görə, Şərqin opera yazan ilk qadın bəstəkarı ilə vida mərasimidə sabah keçiriləcək. Mərasim saat 13:00-dan 15:00-a kimi Rəşid Behbudov adına Mahnı Teatrında baş tutacaq.
Xatırladaq ki, Ş.Axundova bu gün günorta saatlarında müalicə aldığı 1 saylı Şəhər Kliniki Xəstəxanasında dünyasını dəyişib. 86 yaşlı Şəfiqə Axundova iyulun 11-də Şəkidə olarkən qəflətən halı pisləşib. Xroniki qan dövranı çatışmazlığı, hipertoniya xəstəliyi, şəkərli diabet diaqnozu ilə Şəki Mərkəzi rayon Xəstəxanasının reanimasiya şöbəsinə yerləşdirilən xalq artisti daha sonra Bakıya - Klinik Mərkəzə gətirilib.
