"Şamaxı" klubu baş məşqçi Sənan Qurbanovun istefasını qəbul edib.
Bölgə təmsilçisinin Mətbuat Xidmətindən Qaynarinfo-ya verilən məlumata görə, klub rəhbərliyinin qərarı ilə baş məşqçi vəzifəsinin icrası Rüstəm Əliyevə tapşırılıb.
Komandanın sabiq futbolçusu Rail Məlikov isə "Şamaxı-2"nin baş məşqçisi olub.
Qurbanov "Qarabağ"a 0:8 hesabı ilə uduzduqları Azərbaycan Premyer Liqasının XXIII tur oyunundan sonra istefa verib. Rail Məlikov "Neftçi"yə 1:2 hesabı ilə uduzduqları XXII tur matçından əvvəl karyerasını bitirib.
