Bu gün axşam saatlarında Siyəzən rayonu ərazisində yol-nəqliyyat hadisəsi baş verib.
Siyəzən rayon Qaz İstismar Sahəsinin qəza xidmətinin avtomobili ilə digər bir yük maşını toqquşub.
Nəticədə QİS-in əməkdaşları, Siyəzən rayon sakinləri 1959-cu il təvəllüdlü Mustafayev Fərman Ramazan oğlu, 1964-cü il təvəllüdlü Mirzəquluyev Mirzəqulu Məmmədqulu oğlu və 1961-ci il təvəllüdlü Məlikov Nurməmməd Lətif oğlu müxtəlif xəsarətlər alaraq Siyəzən Regional Müalicə Diaqnostika Mərkəzinə aparılıb.
Hər 3 xəstənin vəziyyəti ağır stabil olduğundan ilkin yardımdan sonra onlar paytaxtdakı tibb müəssisələrindən birinə göndərilib.
Faktla bağlı araşdırmalar davam etdirilir. (apa)
Qaynar.info
