ARB TV-nin "Günə Son” verilişində Sumqayıt şəhəri, 76-cı məhəllə ilə bağlı sujet yayımlanıb.
Belə ki, sozügedən məhəllənin sakinlərinin yaşayış şəraiti yağışdan sonra çətinləşib.
Sakinlər yaranan vəziyyətlə bağlı narazılıqlarını ifadə ediblər. "Hec bir qurum bizimlə maraqlanmır. Evlərin zirzəmisi su ilə doludur. Kəskin üfunət iyi gəlir. Kanalizasiyanın tör-töküntüsü yağış sularına qarışıb küçəyə axıb. Hətta yağışdan sonra suyun hündürlüyü yarım metrə çatıb” - deyə şikayətləniblər.
