İtaliyanın Milan şəhərində supermarketdə bıçaqlı hücum nəticəsində yaralanan Pablo Marinin durumuna aydınlıq gəlib.
Qaynarinfo xəbər verir ki, A Seriyası təmsilçisi "Monza"nın ispan müdafiəçisi 2 ay yaşıl meydanlardan uzaq qalacaq. Bu barədə klubdan məlumat verilib. Açıqlamada 29 yaşlı futbolçunun Milanda Niguarda xəstəxanasında əməliyyat olunduğu və 2-3 gün həkimlərin nəzarəti altında qalacağı bildirilib. Əməliyyatın yaxşı keçdiyi və Marinin 2 ay meydandan uzaq qalacağı da ictimaiyyətin nəzərinə çatdırılıb.
46 yaşlı İtaliya vətəndaşının supermarketdən aldığı bıçaqla təsadüfi şəkildə həyata keçirdiyi hücumda Mari də daxil olmaqla 5 nəfər yaralanıb, 1 nəfər isə ölüb.
Səbuhi Həsənov
