Məlum olduğu kimi, 2016/17 futbol mövsümündə I dəstədə mübarizə aparmaq istəyən yeni klublar var.
Qaynarinfo.az xəbər verir ki, bunlar "Ağdaş", "Sabunçu", "Səbail", eləcə də Sabirabadın "Çağırğan" klublarıdır.
Bunlar arasında 1 mövsümlük fəaliyyətini dayandırmış "Şuşa-Qarabağ" klubu da var. Bu komanda artıq yeni mövsümdən I dəstədə oynamaq üçün ciddi hazırlıqlara başlayıb. Komandaya yeni oyunçular, eləcə də yeni sponsor cəlb edilib.
Lakin əldə etdiyimiz məlumata görə, "Şuşa-Qarabağ" I dəstədə oynamaq istəsə də, bu klubun qarşısında ciddi maneə var. Belə ki, Peşəkar Futbol Liqasının prezidenti Ramin Musayev "Şuşa-Qarabağ" barəsində az qala Premyer Liqa klubları üçün tələb olunan şərtlərdən birini qoyub. Belə ki, Misayev I dəstədə oynamaq üçün 250 min manat bank zəmanəti təqdim etməyi mütləq şəkildə tələb edib. Əks halda komanda çempionatda çıxış etməyəcək. Halbuki hamıya bəllidir ki, I dəstədə oynamaq üçün bu qədər maliyyə vəsaitinə o qədər də ehtiyac yoxdur. Qeyd edək ki, yalnız Premyer Liqa üçün bank zəmanətinin minimum maliyyə dəyəri 300 min manatdır.
Qaynarinfo.az
