Topaz Premyer Liqasında 19-cu turun rəmzi komandası və ən yaxşı oyunçusu açıqlanıb.
PFL-in saytının yaydığı xəbərə görə, InStat Football şirkətinin Peşəkar Futbol Liqasında təqdim etdiyi məlumatlara əsasən ötən turun ən yaxşı 11-liyi aşağıdakı kimi olub:
Qapıçı – Saşa Stamenkoviç (“Neftçi”)
Müdafiəçilər – Bruno Bertuççi (“Neftçi”), Bədavi Hüseynov (“Qarabağ”), Tieqo Vilyam (“Xəzər Lənkəran”), Maksim Medvedyev (“Qarabağ”)
Yarımmüdafiəçilər – Cavid İmamverdiyev (“Neftçi”), Manuel Skarlatake (“Xəzər Lənkəran”), Flavinyo (“Neftçi”), Junior Vilson (“Bakı”)
Hücumçular – Ernest Nfor (“Neftçi”), Tiaqo Ribeyro (“Rəvan”)
Ötən tur topa ən çox nəzarət komanda “Qarabağ” olub – 65 faiz. Ağdam təmsilçisi dəqiq ötürmələrə görə də fərqlənib (89 faiz). AZAL ən çox hücum quran (121), “Qəbələ” isə rəqib qapısına ən çox zərbə endirən tərəfdir (18). “Simurq” 8 künc zərbəsi ilə, “Rəvan” isə 5 oyundan kənar vəziyyətlə fərqlənib.
Topaz Premyer Liqasında 19-cu turun ən yaxşı oyunçusu isə “Neftçi”nin hücumçusu Ernest Nfor olub.
Qaynar.info
