Dövlət
Turizm Agentliyi "STİ Travel” MMC ilə maliyyə dəyəri 1 209 257 AZN təşkil
edən satınalma müqaviləsi imzalayıb.
Qaynarinfo xəbər verir ki, müqavilədə 2022-ci
ildə xarici ekspertlər və turizm nümayəndələri üçün tanışlıq turlarının təşkili
xidmətləri nəzərdə tutulur.
İqtisadiyyat
Nazirliyi yanında Dövlət Vergi Xidmətinin reyestr məlumatlarına əsasən "STİ Travel”
MMC 28 fevral 2005-ci ildə qeydiyyata alınıb. Nizamnamə kapitalı 10 AZN olan
şirkətin hüquqi ünvanı Bakı şəhəri Səbail rayonu, ev 19-da yerləşir. MMC-nin
qanuni təmsilçisi Hüseynova Viktoriya Rafaelovnadır.
18 yanvar 2022-ci il
tarixdə reyestr məlumatlarına dəyişiklik edilib.
Açıq mənbələrdə
şirkət haqqında hər hansı məlumat yoxdur. Baxmayaraq ki, şirkət 17 ildir fəaliyyət
göstərir.
MMC-nin qanuni təmsilçisi Viktoriya Hüseynovaya gəlincə, onun adına
yalnız "Linkedin” platformasında rast gəlinir. Lakin onun profilində yalnız
adı, soyadı və "STİ Travel”də çalışdığı qeyd edilib.
STİ
Travel” MMC-nin bundan əvvəl satınalma müsabiqələrində iştirakına dair məlumatlara
da rast gəlinmir.
Dövlət satınalmalarının vahid internet portalında axtarış verərkən
şirkətin yalnız Dövlət Turizm Agentliyi ilə bəhs etdiyimiz müqaviləsi çıxır.
Seyid
