İngiltərənin "Arsenal" klubunun türk əsilli futbolçusu Məsut Özil Almaniyada 2016-cı ilin ən yaxşı oyunçusu mükafatına layiq görülüb.
Qaynarinfo.Az xəbər verir ki, bu barədə Almaniya Futbol İttifaqının məlumatında bildirilir.
Özil 54,5% səs toplayaraq milli komanda yoldaşı və "Real"ın xavbeki Toni Kroosu (33,9%) sanballı səs çoxluğu ilə geridə qoyub. Səsvermədə III yeri "Köln"ün müdafiəçisi Yonas Hektor (4%) tutub.
Qeyd edək ki, bu, Məsut Özilin 6 il ərzində 5-ci mükafatı olub. O yalnız 2014-cü ildə Toni Kroosa məğlub olub.
Qaynarinfo.Az
