Türkiyə Superliqasının ikinci turu çərçivəsində keçirilən "Trabzonspor" - "Çaykur Rizespor" oyunu zamanı qəribə hadisə baş verib.
Qaynar.info türk mətbuatına istinadən xəbər verir ki, oyunun 43-cü dəqiqəsində "Trabzonspor"un oyunçusu Volkan Şen meydanı ağlaya-ağlaya tərk edib.
Azarkeşlərlə mübahisə edən Volkan əsəblərinə hakim ola bilməyib və ağlamağa başlayıb. Meydanda ağlayan oyunçunu komanda yoldaşları da sakitləşdirə bilməyib və təcrübəli futbolçu meydanı tərk edib.
Volkan meydanı tərk etdikdən sonra tribunalarda da gərginlik yaşanıb.
Futbolçunu söyən 4 azarkeş polis tərəfindən saxlanılıb.
