"Konyaspor"un futbolçusu Ahmet Çalık dünyasını dəyişib.
Qaynarinfo Türkiyə mətbuatına istinadən xəbər verir ki, 28 yaşlı müdafiəçinin ölümünə səbəb avtomobil qəzası olub.
Qəza saat 09:00 radələrində Gölbaşı səmtinin Hacılar məhəlləsində baş verib. Futbolçunun istifadə etdiyi "06 CLK 94" dövlət nömrə nişanlı avtomobil Ankara-Niğde yolunda sürücünün idarəetməni itirməsi nəicəsində aşıb. Qəzanın baş verdiyi yerə təcili tibbi yardım əməkdaşları yetişsələr də Çalıkı ölümdən xilas etmək mümkün olmayıb. Hadisə ilə bağlı araşdırmalara başlanılıb.
Müdafiəçi 2020-ci ildə "Konyaspor"a "Qalatasaray"dan transfer olunmuşdu. O, "sarı-qırmızılar"ın heyətində 2017/2018 və 2018/2019 mövsümündə Türkiyə Super Liqasının qalibi olub.
Çalık 8 dəfə Türkiyə millisinin formasını da geyinib.
