Daha əvvəl prezident Rəcəb Tayyib Ərdoğanın yüksək inflyasiya ilə
mübarizədə göstərdikləri köməyə görə təşəkkür etməsinə baxmayaraq, Türkiyənin
antiinhisar qurumu ölkənin beş aparıcı supermarket şəbəkəsini yüksək qiymətlərə
görə cərimələyib.
Qaynarinfo xəbər verir ki, bu barədə Bloomberg agentliyinin məlumatında
deyilir.
Ümumilikdə şirkətlər 2,6 milyard lirə (276 milyon dollar) cərimələnib.
Eyni zamanda, BIM şəbəkəsi Birleşik Magazalar AS ən çox zərər çəkib -
o, 958 milyon lirə ödəməlidir. Bəzi şəbəkələr qərara etiraz edəcəklərini
bildiriblər.
Qeyd edək ki, Prezident
Ərdoğan bir qədər əvvəl supermarketlərin "bütün bazarları məhv etdiyini”
bildirmiş və bazarı "tarazlaşdırmaq” üçün min dənə dotasiyalı mağaza açacağını
vəd etmişdi. Pərakəndə Satıcılar Assosiasiyasının rəhbəri Qalib Aykaç qiymət
artımına səbəb kimi yüksək istehsal xərclərini göstərərək, supermarketlərin
inflyasiyaya görə günah keçisi olduğunu bildirib.
Alpər
