"10 noyabr 2020-ci il tarixli üçtərəfli bəyanatda ifadə olunan məsələlərə uyğun olaraq davam edən proseslər çərçivəsində Laçın şəhəri, həmçinin Zabux və Sus kəndlərinin avqustun 26-da Azərbaycana qaytarılmasından məmnunluğumuzu ifadə edirik".
Qaynarinfo xəbər verir ki, bu barədə Türkiyə Xarici İşlər Nazirliyi (XİN) Azərbaycan Ordusunun Laçın şəhərinə daxil olması ilə bağlı bəyanatında deyilir.
Bəyanatda deyilir:
"10 noyabr 2020-ci il tarixli üçtərəfli bəyanatda ifadə olunan məsələlərə uyğun olaraq davam edən proseslər çərçivəsində Laçın şəhəri, həmçinin Zabux və Sus kəndlərinin avqustun 26-da Azərbaycana qaytarılmasından məmnunluğumuzu ifadə edirik. Bu hadisə həm Cənubi Qafqazda sülh və sabitliyin bərqərar olması, həm də regionda münasibətlərin normallaşması istiqamətində mühüm addım hesab olunur. Eyni zamanda bu addım Azərbaycan-Ermənistan münasibətlərinə töhfə verəcək. Türkiyə indiyə qədər olduğu kimi, qardaş Azərbaycanın ərazi bütövlüyünü və suverenliyini dəstəkləməyə davam edəcək".
